حــــــــــامــــــد زيــــــــــــــــــد

sweetbikers · 08-10-2007, 02:49 PM

السلام عليكم ورحمة الله وبركاته

بسبب اعجابي بشعره
حبيت اجيب لكم معلومات عن حياته ،بعض قصائده مكتوبة ومسموعة طبعا اتكلم عن المبدع

حــــــــــامــــــــــد زيــــــــــــــــد

الاسم : حامد زيد سعدون فارس العازمي

مواليد: 4/فبراير/1977 للميلاد

الحاله الاجتماعيه : متزوج ولديه ثلاث بنات ( اسماء-ساره-ريم )

حاصل على شهاده دبلوم تجاري من كلية الدراسات التجاريه

عضو ديوانية شعراء النبط الكويتيه بدرجة شاعر ممتاز

موظف في وزارة الشؤون الاجتماعيه والعمل

كانت بدايته الاولى في الظهور عبر وسائل الاعلام من خلال البرنامج التلفزيوني (ديوانية شعراء النبط ) وذلك في اواخر عام 1996 للميلاد . والبدايه الفعليه بالصحافه من خلال مجلة المختلف في احتفالية العدد المؤوي وكان في نوفمبر 1999 للميلاد .

اطلقت عليه العديد من الالقاب من خلال الصحافه الشعبيه الخليجيه ومن اهم هذه الالقاب ( قنبلة الشعر, شاعر المختلف, شاعر الشباب, شاعر المطولات, شاعر الخناجر )

:

::

أهم الأمسيات التي أقامها حامد :

-اقام العديد من الامسيات بالكويت ومن اهمها

امسية هلا فبراير بتاريخ 5 فبراير 2001 بمشاركة كل من الشاعرين : ضيدان بن قضعان وعياد الشمري

امسية هلا فبراير بتاريخ 9 فبراير 2002 بمشاركة كل من الشاعره بشاير الشيباني والشاعر حمد السعيد

امسية هلا فبراير بتاريخ 16 فبراير 2004 بمشاركة الشاعرخالد المريخي

امسية الهيئه العامه للشباب والرياضه بالتعاون مع جريدة السياسه فيه 12 يونيو 2000 وكان عريف الامسيه الاستاذ على المسعودي

امسية معرض الكتاب وكانت بمشاركة الشاعر رجا القحطاني فى عام ديسمبر 2000

أهم الأمسيات التي شارك بها حامد :

-ومن اهم الامسيات التي شارك بها الشاعر خارج دولة الكويت

أمسية مهرجان عباده وإستفاده فى المدينه المنوره فى 25 يونيو 2001

أمسية مهرجان صيف الطائف وكانت تحت رعاية الأمير / فيصل بن خالد بن عبدالعزير آل سعود بتاريخ 5 يوليو 2001

أمسية أتحاد طلبت الكويت بالقاهره في اكتوبر 2000

أمسية عنيزه في ختام مهرجان القصيم السياحي والتي وصل جمهورها الى 8000 شخص في تاريخ 31 يوليو 2003

أمسية ابوظبي في 15 إكتوبر 2003 تحت رعاية سمو الشيخ فلاح بن زايد بن سلطان آل نهيان

أمسية صيف أبها في7 أغسطس 2004 تحت رعاية الامير فيصل بن خالد بن عبدالعزيز

أمسية أمريكا ... اللتي اقامها الشاعر بواشنطن

وله (6) إصدارات وهم :

ديوان مقروء ويحمل اسم أربع خناجر

والبوم مسموع يحمل أسم شعر حامد زيد

وآخر يحمل أسم السفينه

والاصدار الرابع للشاعر حامد زيد والشاعر خالد المريخي واسمه امسية هلا فبراير 2004

والاصدار الخامس للشاعر حامد زيد والشاعر سعد علوش واسمه امسية أبو ظبي

والاصدار الأخير للشاعر حامد زيد وهو ديوان مطبوع بأسم يقولون مالا يفعلون

قصائد أعجبتني :

ღ♥ღ الـحـلـم ღ♥ღ

وهي اول قصيدة اسمعها من شاعرنا

بوقت من البطا وبالليل تتراقص شياطينه . . بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه . . وانا اللي من تفارقنا وانا ما غمضت لي عين
غريبة كل حلم يمر برقادي تزورينه . . والأغرب كيف أحلم الحلم وأرجع وأحلمه بعدين
قبل يومين شفتك بالمنام وقمت من حينه . . ونمت أمس ورجع نفس المنام اللي قبل يومين

انا اللي قبل أسافر شلت قلبي من شرايينه . . تركته في يدك مثل الأمانة واحفظيها زين
ترى حفظ الامانة دين مجبورة تردينه . . أجل مافيه أحد كد قال لك حفظ الامانة دين
مرد المقفي بيلفي ويستوفي وتوفينه . . بعد ليلة ثلاثة أربعة عشرة شهر شهرين
إذا انتي مانتي بقد الكلام اللي تقولينه . . حرام استامنك حاجة وإذا جيت أطلبك تنسين
تخونين وتبين أرضى وأحد يرضى تخونينه . . أنا لو جيت أخونك مع حبيبه ثانيه ترضين

من أول ما رجعت من السفر ما شفت لك بينه . . وأنا اللي كنت احسبك قبل أدوس أرض المطار تجين
تكونين انت اول شخص عيني تحتضن عينه . . وكنت اتخيلك من زود فرحتة رجعتي تبكين
وأشوف بدمعتك حكيك وأعرفه قبل تحكينه . . واجيب احلى من اللي بتحكينه واتركك تحكين
تقولين الوطن نور وأقول بنوره مضويه . . تقولين لي غديت أحلى وأقول عيونج الحلوين
كلام نام بشفاهك وخفتي لا تصحينه . . ذخرتيه لغرام للي ينام ويتركك تصحين

تـغـانمتي غـيـابي..لين رجـحـتي موازيـنه. .تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي...فيني مـاتلاقينه . . مـهو بـغرور..لكن خـابرك مـالك أمـل تـلقين
تـغـافلك بـغلا..والإ الـحلا مـهو بـمن زيـنه . . تزينه الصور ..بس الصحيح ابن الحلال((زوين))
وأنــا مـاني بـنقاص عـنه يـوم أنـك تـبدينه . .نـصيبي..هو نـصيبي لـو يـسددها من الصوبين
قـنـوع بـمـظهري،والسم مـايـذبح ثـعـابينه . .عـلى قـول الـمثل((ماني حلو..لكني ماني شين))
إذا اهداك الزهر مرة فأنا أهديتك بساتينه . . وإذا ألهاك بفرح ليلة فانا تهت لبكاك سنين
وإذا أستضعفتك أملاكه وشتتك ملايينه . . أنا حتى فتات الخبزة أقسمها معك نصين
طموحي بس أجي وأظفر بشيء تستحقينه . . تدينته تسلفته سرقته مو مهم منين
كأني من كثر ما أرضى بكل اللي تمنيته . . لو أنك تطلبين الله يعنيني بقول آمين
انا ما ألعب على الحبلين وقت الطيش وسنينه . . تبين الحين يوم أني كبرت ألعب على الحبلين
ترى عند البدو بالذات عيب اللي تسوينه . . حلاتك لا عشقتي تعشقيني ليوم الدين
غرام يسكن ضلوعي حشيمه من مجانينه . . جفا يجمع معزتنا ولا عشق يذل اثنين

كثار اللي تحدوني وقالوا تحبينه . . أمانه لاتخليني صغير بعينهم تكفين
لأني كل ماقالوا تخون أقول مسكينه . . عليك الله وأمانه عليمهم منهو المسكين
انا خايف ليا طاح الجمل تكثر سكاكينه . . وانا ما عاد بضلوعي مكان لطعنة السكين
مثل ما قالوا المكتوب واضح من عناوينه . . لو أرحل منك للغربة بأسافر من ظلامك وين
كفاية كل حلم يمر برقادي تزورينه . . كفاية من تفارقنا وانا ما غمضت لي عين
قبل يومين شفتك بالمنام وقمت من حينه . . ونمت أمس ورجع نفس المنام اللي قبل يومين

ღ♥ღ الذهب ღ♥ღ

ياكثر مارافقت خلان وأحباب. .وياكثر مافي شدتي هملوني
على كثر ماعدهم ستر وحجاب. .على كثر ماحتجتهم وتركوني
من صارت الخوه ثمن حفنة تراب. .نفس الوجيه الي نصوني..نسوني
من غير ذكر عروق..وفروق..وأنساب. .كانوا ثلاثه..والثلاثه جفوني
علمتهم وشلون الأهداف تنصاب. .ولما سواعدهم قوت..صوبوني
عشاني اصغرهم عمر..صاروا احزاب. .عشاني اصدقهم قصيد..اظلموني
الي نجح اسمي زرع فيهم انياب. .حتى النصيحه مابغوا ينصحوني
دام العطايا عندهم دين واتعاب . .والله لو اطلب ذنبهم ماعطوني
طالب نصيحه كني مطالب رقاب. .وهي نصيحه..كيف لو زوجوني
كنت اكتب لنفسي مشاريه وعتاب. .ولاادري ان اللي قروني..قروني
تضاربت من دوني عقول والباب. .واجد بغوا غيري..وواجد بغوني
اقبل هدب تسهر على شعري اهداب. .كني حبست رقادهم..في جفوني
لو شفتهم واحد..يشوفوني اسراب. .من وين مالدوا نظرهم..لقوني
اثري وجودي بينهم محرق اعصاب. .ومزعل بعضهم من بعض..لو طروني
ياكبري بعيني..وانا توني شاب. .وأهم كتاب الشعر حاربوني
حتى ولو يهوي على نجمي شهاب. .يكفيني ان اسمي كبير بعيوني
كد قال ابوي..ان هبتهم..قول..ماهاب. .لو يقدرونك.. قول..ماتقدروني
ومدام قبري محتضن راس مرقاب. .على كثر ماتقدرون ادفنوني
لو ماني بذيب..انهشت عظمي ذياب. .لو ماقدرت اثبت وجودي..لغوني
لو ماسكنت وجيههم..مت بغياب. .لو ماعرفت امحي ورقهم..محوني
ماجيت ابدبل كبدهم شعر وخطاب. .لين ادبلو كبد الذي خلفوني
ياويل وجهي كن للدمع مخلاب. .ماجف ماه ومااستحى من طعوني
كل ماطرى لي منظر مريب وارتاب. . كان الوحيد اللي يحرك شجوني
قبلة صلاة وذكر وخشوع وكتاب . .وأمي على سجادة النور دوني
تدعي لي الله يفتح بوجهي ابواب. .تتوسله بالشده يكون عوني
من كثر ماخفاقها بالدعا ذاب. .صارت تحس ان زملاي كرهوني
بشرتها..يمه معي ربع واصحاب. .ماني لحالي..واجد اللي يبوني
من يوم ماحاز قلمي كل الألقاب. .قلطتهم في دفتري وحفظوني
الله وهبنيهم بني عم...واجناب. .من يوم جيت اعجبتهم..واعجبوني
واعجابهم فيني مهوب اية اعجاب. .باسلوبي..بشرحي..بطرحي..بلوني
لو قلت عن نفسي بشر..صرت كذاب. .لو قلت دمي من ذهب..صدقوني
لو بيدهم كان زرعوا دربي اعشاب. .لو كيفهم يتشبهون..شبهوني
من كثر ماصاروا من طبوعي اقراب. .حتى بلبسة شمغهم..قلدوني
واجد دعوني واغلقوا دوني الباب. .وكثار ناس ابكيلهم مابكوني
لو طالوا الهدني مناسيب واطناب. .كانوا غلاتك من زمان هدموني
مدام حطوا فيني عيوب وأسباب. .جنبت عنهم..مثل ماجنبوني
اصلاً لو أن بخوتي شيء ينعاب. .ذبحت نفسي..قبل لايذبحوني
انا يدي لو ماكست متني ثياب. .نذرٍ علي أقطع يدي من متوني
مو عيب اجي مدعو..ولاأشوف ترحاب. .العيب لو اني رجعت دعوني
مادمت اجي..ولايحسبولي حساب. .حرمت اروح..إذا يبوني يجوني..

استماع للقصيدتي الحلم وذهب

حامد زيد :::حــد علـــمـــــي بالغـــلا :::

الجمهــرة

sweetbikers · 08-10-2007, 03:42 PM

الســــــــفيــــــــــنة
على قولت شاعرنا تايتانيك

ضاقت وساع الفيافي و الوعد متن السفينه ***للطريق اللي دعاني بعد أمان الله و أمانه
لا تناديني و صوني قلبك الله لا يهينه *** لا يراهن في رجوعي لجل ما يخسر رهانه
ليه ما أرحل عن غرامك بعد ماذقت الغبينه *** أذكري لي شي واحد يستحق أقعد عشانه
قلب ماحن لوصالي ماني بحاجة حنينه *** و أشهد أنه ما يعزر بالرفيع الا هوانه
الهوى الغدار حد الله مابيني و بينه *** و الرجل لاخير فيه إن ما حفظ قدره و صانه
واحدٍ مثلي اليا من حدته عوجا سنينه *** ما شكى لقرب أبن ادم لو هو أقرب من أخوانه
يوم قلبي ما عصاك و ماقدرتي تذبحينه *** ليه خنتي فيه و أنتي معه من نفس الديانه
كان ذبحي بيدك أرحملي من اللي تفعلينه *** و أن طلبتك تذبحيني ما ذبحتيني لعانه
كل جرحٍ من جروحي تذكرينه تنكرينه *** كن مالك في نزيفه يد خانت بالأمانه
ينزف الخافق تواضع لين لطختي جبينه *** و الا أنا ما كنت أبيها توصل لحد الأهانه
قلت من باب الميانه صاحبك و تعذبينه *** لعنبوك إرخي معاي أشوي ما صارت ميانه
طعت عقلك يوم قيل إن العقل للبنت زينه *** لكن الشرهه علي اللي كنت أحسب إنك تكانه
من بعد ما كنتي أنتي في حشاي أغلى سجينه *** بوعدك بطلق سراحك و أتهميني بالأدانه
وين رايح ؟ لأي دربٍ ما يرجع للمدينه ***ليه رايح؟ لان قلبك ما ترك قلبي و شانه
كيف أبنسى ؟ ربي اللي ملهم القلب السكينه *** مثل ماعانه بقربك لا نوى فرقاك عانه
كان قاسي يجرح أطراف السكاكين السنينه *** ما يطيح و بنتٍ مثلك حبها هزت كيانه
و الا أنا خابر خفوقي ما يمد الا الثمينه *** و إن بغى يغيض الثريا قعد القمرى وزانه
مزعلٍ لجلك هنوفٍ رجت عقول رزينه *** و إن تهادت بالطريق الجرهدي تزهر جنانه
جادلٍ كن الجمال قبالها كتف يدينه *** و القمر لو شاورت له ينزح و تقعد مكانه
كانت أول من تحكم في فروع الياسمينه *** وأن تعدتهن تثنن خيزرانه خيزرانه
بعتها لجلك و صارت لأصغر أطرافك رهينه *** و ألا هي لفتة هدبها تغمرك ثقل و رزانه
و الخفوق اللي تغذى من معزة والدينه ***مشكلته إنه تعلق في زمن ماهو زمانه
كل مازادت جراحه و أكتشف غلطة ضنينه *** صدقيه أن قال مابه شخص يستاهل حنانه
يوم نادى يا فلانه ما رضيتي تسمعينه *** لين صوت يافلانه يافلانه يافلانه
كنت أشوفك زعفرانه تقرض الوَرد و تدينه *** يمكن أني ماقطفتك بس أشوفك زعفرانه
كنت أهاب البعد عنك و أطلبك لا تذكرينه *** كان خوف من الفراق و خطوت الفرقا جبانه
و ماقتنعت أن الخيانه للرجل تلوي يمينه *** لين ما ربي بعثك و ذقت من طعم الخيانه
إسمحيلي ما بقى فيني مكانٍ تطعنينه *** و أقبلي من جوف قلبي كل عطفه و أمتنانه
و الله الله في عذابك بتركك عينك بعينه *** دلليه و لايرده عن شقاك إلا لسانه
و الا أنا قررت أسافر و أمتطي ظهر السفينه *** لأن مابه شي واحد يستحق أقعد عشانه

مشاهدة الفيديو

521400 · 10-10-2007, 02:54 AM

ي
س
ل
م
و

انا بعد احب قصائد حامد زيد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

حــــــــــامــــــد زيــــــــــــــــــد

شعر و نثر و قصص