قــــــــاعـة جـــدة بايكرز بين واحد من الناس والعيون الخفية

السلام عليكم ورحمة الله ..... وبعد التحية ,,,,

موضوعي اليوم يتكلم عن قاعة الاجتماعات

وهو مش بس موضوع وانما ايضا فكرتي يمكن يكون في المنتدى شي قريب من هذا الموضوع لكن الفكرة تختلف
سميت الموضوع / قاعة الاجتماعات العلنية

الموضوع معناه انه اذا فيه شخص زعلان على شخص بهذا المنتدى الرائع او اذا فيه شخص انجرح من شخص في الكلام ففي هذه القاعة يستطيع انه يقول كل اللي في قلبه بشرط ان كل الاعضاء يشاركون في الموضوع ويحكمون بينهم وكل شخص يرضى بالحكم اللي صار عليه بس طبعا الحكم يكون فيه عدل وتكون طريقة الالقاء طريقة سلسة ومرحة تستطيع ان تسحب كل الاعضاء وتجعلهم يشاركون في الموضوع.

ولاتنسوا انه في هذه القاعة يوجد مقعد خاص بكل عضو من اعضاء جدة بايكرز.


اليكم الموضوع..........


اكلمكم الان من امام قاعة الاجتماعات الخاصة بمنتدى جدة بايكرز والقاعة الان مفتوحة وجاهزة لاستقبال الاعضاء والزوار الان نحن في انتظار وااحد من النااس و العيون الخفية لان هذا الاجتماع خاص بينهم ليقول كل واحد مافي خاطره من الثاني وارجوا ان يتم الاجتماع من افضل مايكون. هااهي الان وفوود من السيارات اعدادها كثييرررررررررررررررة جداااااااااااااااااااااااااااااا
يأتون باتجاه القاعة هاهي تصل سياراتهم يالله انهم اعضاء جدة بايكرز حضروا لكي يشاركون في هذا الاجتماع وكلأ يبدي رأيه حسب مايراه صحيحاً هاهم يدخلون القاعة وكلأ يجلس على مقعده الخاص به في انتظار وااحد من النااس والعيون الخفية.

الان اني القي نظرة من على بعد ( تلسكوب ماصارت عيون ) خخخخخخ

وفد قادم من بعيد والان هو يقترب ويقترب هاهو يقف امام بوابة قاعة الاجتماعات ويأتي السائق مسرعأ ويفتح الباب الخلفي للسيارة ويخرج وااحد من الناس من سيارته ويتدافعون اليه البودي جارد ثلاثة من يمينه وثلاثة من يساره (( مصدق نفسه الرجال).

وهاهو يتجه نحو قاعة الاجتماعات ويسلم على الحاضرين ويجلس على كرسيه الخاص به ويتبادل اطراف الحديث

الان نحن امام بوابة قاعة الاجتماعات ننتظر العيون الخفية اهااااا اني المح عن بعد ( ماقلت لكم تلسكوب ماهي بعيون هذي) خخخخخ.
اني المح وفد قادم باتجاه القاعة لكن ماهذا اللي اراه انه ينتعون السيارة الظاهر ان البطارية فاضية خخخخخخخخخخخخخخخخخخخخخخخخخخخخخخخ
هاهي تشتغل السيارة وهاهم يصلون للقاعة ويأتي السائق مسرعأ ليفتح باب السيارة ويخرج العيون الخفية من السيارة ويأتون البودي جارد من يمينه وشماله .

افااااااا والف افااااااااا

معقولة البودي جارد حريم
خخخخخخخخخخخخخخخخخخخخخخخخخخخخخخ
المهم ماعلينا

هاهو يتجه نحو القاعة ويسلم على الحاضرين ويجلس في كرسيه الخاص به.

الان تقفل بوابة القاعة ويبدأ الاجتماع.

يبدأ بالكلام واحد من النااس: اهلاً وسهلا بأعضاء جدة بايكرز الغاليين اهلا وسهلا بكم في قاعتكم قاعة الاجتماعات والله انه شرف وجودكم مع بعضكم البعض.

جمعتكم اليوم لانه صار بيني وبين العيون الخفية بعض سوء التفاهم بيننا وارجو منكم انكم تحكمون فيما ترونه صحيحاً بالعدل.

كل اللي صار انه كان بينه وبين الشريف 99 نقاش مزح في مزح واخر النقاش انه اعلن الشريف 99 الحرب العالمية الثالثة على العيون الخفية والحرب معناها ان كل يوم يجيب نكته على الثاني وكلام مضحك من غير مايغلط أي شخص على الاخر بدأ الكلام وناخذ ونعطي في الكلام
الى ان غلط علي غلطة ماكان فيه داعي انه يجرح صديق له في موضوع ( شوفوا كيف القرض على البنات) بدل ان يقول واحد من الناس قال واحد من الحيوانات وان بعدها زعلت منه ولا صرت ارد على أي من مواضيعه وفوق كذا ارسل لي رسالة انا توقعت انه بيعتذر لكن من بدايتها قال: ( كيفك يالخرطي ) وقال كلام ياريته ماتعب نفسه وارسل لي هذي الرسالة ماادري يمكن الرجال ماعنده اسلوب في التعبير الله اعلم .
لكن انا قلبي كبير وطيب مرة ماحبيت ان يكون بين اثنين في المنتدى أي زعل مهما كان وحبيت اني ارجع اصالحه كتبت لكم هذا الموضوع وطرحت لكم هذي الفكرة لان لو يوم من الايام زعل شخص من شخص او شخص جرح الثاني فليأتي المعتدي عليه ويقول مافيه خاطرة والاعضاء سوف يحكمون بمايرونه مناسباً.

وانا الان قبل ان اصالحه اطلب طلب بسيط وماهو ابداً مستحيل هو غلط علي وماكان عنده أي حق يغلط وأنا لي حق اني ازعل والان انا اطالب بحق من حقوقي بأن يعتذر لي ونرجع افضل مما كنا عليه.


ويعلم الله اني احترم هذا الشخص واعزه حق المعزة ولا في قلبي شي عليه ابداً الا هذا اللي صار .

اظن اني قلت كل اللي صار وانشاء الله اني قلت الحقيقة والان ارجو منكم يااعضاء جدة بايكرز ان تحكمون بالعدل واللي تقولونه انا حاضر به ومستعد له.


وشكراً جزيلاً لكم .......




ارجو اننا مانطلع من هذه القاعة الا والقلوب بيضاء ناصعه على بعضنا البعض .

وأي شخص عنده مشكله مع شخص اخر او انه ماخذ في خاطره من شخص اخر عليه ان يقول بما في قلبه وانشاء الله ماراح نطلع من القاعة الا ونحن نضحك .



ارجو المشاركة من الجميع شباب وبنات.



وشكرا................

________________________
اذا راح الغالي لا مكان للرخيص

اول شي انا اشكر صاحب الدعوة
هههههههههههه حلوه هاذي بوديكارات بنات وين صارت ياخي اخرط انزين عاد مو جذي يعني البنات شو بيسوون لي كيف بيدافعون عني
واذا عن موضوع شوفوا كيف القرض بالبنات اعتقد انه الشريف هو اللي لازم يرمس وبعدين هاذي هي الحرب لازم كل قنبله اقوى من الثانيه
وانت اللي بدى الحرب وياي وانت اللي بغيت
والحينه حق شو مسوي سالفه
وعلى سالفة الرساله انت قلت بتنسحب وانا حبيت استفزك عسب ترد لي الصاع صاعين
وانت اللي سويته يعتبر هرب وخوف وضعف بعد
المفروض انك تواجهيني واتحط علي
عادي ما فيها زعل
الصراحه انا احترمك واقدرك واحطك على عيني وراسي
اذا تبغي الخلاف يزول و ما احط عليك مره ثانيه انضم معاي ^_^
وعن الاعتذار انا شخصيا اعتبره ضعف و مذله
يعني ما بعتذر
اصلا ليش اعتذر انا ما قلت شي
و بعدين انت بعد حطيت علي عن سالفة البحر و الحمام ما زعلت خذتها بروح رياضيه

بس ما عندي شي زياده مشكور
انا طالع من القاعه

ههههههههههههههههههههههه

اذا تتكلم عن الروح الرياضية فأنا كلي روح رياضية

بس يوم تقول عني حيوان هذا هو الخطأ بعينه

مايصير تقول لانسان زميل لك ياحيوان لان الحيوان معروف يعيش في الخلا ولا يفكر وهو مخلوق بهيمة من مخلوقات الله ولايحق لك تقول لاي شخص ياحيوان

ومن ناحية الاعتذار بالعكس الاعتذار مش ضعف ومذله بحسب ضنك الاعتذار هي اساس المرجلة

لا تنسى ان الاعتراف بالحق فضيلة

وانت اخطيت ولازم تعترف واعترافك هو فضيلتك

وبعدين الحرب هذي مجرد نكت وكلام ضحك مش سب وشتم على بعض

تخيل لو مثلاً انا رديت عليك وقلت لك ياخخنزير وانت رديت علي وقلت لي ياقرد

وين تتوقع راح تنتهي السالفة وايش راح يقولون عننا اعضاء المنتدى وفين اصلنا اللي مايخلينا نخطئ

احنا با أخي العزيز بشر يخطئ كل واحد فينا لكن في الاخير يرجع يعتذر.

اخوي الفاضل ارجو انك لاتفهمني خطأ ابداً انا يوم قصدت انك تعتذر لي لانك اخطيت علي مش لاني اريد اهينك او اذلك.

هذا كلامي وانت افهمه زين ولاتخلي الشيطان ينط من الفرح باللي صاير بيننا

وسلامتك اخوي

ارجو ردك على هذا الكلام

________________________
اذا راح الغالي لا مكان للرخيص

بغيت اقولك شي في الحيوانات اذكى من الانسان
اوكي اذا عن الاعتذار انا ما بعتذر
انا ما توقعت انك تقلبها جد
وليش لين قلت انه عيني عين الدياي يعني هاذا مب سب
وانا رديتها لك
بس
وانت الحينه شو تبى مني
اعتذار ما بعتذر الا اذا انت اعتذرت

طيب طيب براحتك

كل واحد بعقله يعيش

اللي صار صار وانتهى كل شي

على العموم اللي بيني وبينك احترام لا أكثر

انا عطيتك وجهة نظري وانت كذلك وانتهى كل شي




سبحان الله توقعت ان شباب المنتدى بيلاحظون الموضوع

لكن لاحياة لمن تنادي.

سلااااااااااام.................................... ...............

________________________
اذا راح الغالي لا مكان للرخيص