ارزاق من الله

جســـار،،، · 23-07-2007, 10:31 AM

الشايب والوايت-

يسولفون عن شايب نوا يشتري له وايت..عشان يشتغل عليه،،

وعزم يجمع له فلوس لين صار عنده ثمانين الف ريال،، وتوكل على الله،،

و ذاك اليوم إلا الناس المجتمعة في ارض فضا،،

واثري جمبهم وايت،، وعجب خوينا هالوايت،،

قال بس خل اشوف هالوايت عساه للبيع،،

يوم وقف واثر هالجماعة يحرجون:

50 ،، 52 ،، 55 ،،

قال بس شكلهم يحرجون على هالوايت إن شاء الله انه من نصيبي،،

ويخش بالحراج... 56 .. ويزود.. ويزودون .. ويزود..

لين وصلوا 75 .. قام خربها وقال 80 ..

هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!

يناظرونه.. يناظرون بعض.. يوم تغامزوا ونقز له واحد منهم ..

ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك..

قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله

وش اسمك؟؟ عطاه اسمه وكتب له الشيك بمليون ريال وصرّف الرجال..

هو ما يدري وش السالفة ..

طيب وش العلم ..!!!!!؟؟!!!!

..

..

اثر هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خش معهم..

ويحسبونه هامور يبي يلطش عليهم المخطط.. قاموا صرفوه بمليون..

وهو طاير من الفرحة..

((للأمانه منقول))

العصبي · 23-07-2007, 10:34 AM

واله ان هالشايب حظيظ ياليتني انا مكانه...واحلى شي ان التصريفه مليون ريال..

الف شكر لك جسار على الاختيار الحلو والنقل الرائع ننتظر منك المزيد..

تقبل مروري..اخوك.

الجوكـــــــــر · 23-07-2007, 12:12 PM

هههههههههههههههههههههههههه
يحض الشايب تلاقي طاير من الفرحه
متى يصير لي زي كدا واخد مليون
تحياتي
الجوكــــــــــــــــــر

bo0o0osh · 23-07-2007, 12:32 PM

يعطيك العافيه

وتقبلو شكري وتحياتي على الموضوع

booosh

جســـار،،، · 23-07-2007, 02:34 PM

اقتباس:

المشاركة الأصلية كتبت بواسطة العصبي

واله ان هالشايب حظيظ ياليتني انا مكانه...واحلى شي ان التصريفه مليون ريال..
الف شكر لك جسار على الاختيار الحلو والنقل الرائع ننتظر منك المزيد..
تقبل مروري..اخوك.

الاحلى منه دخولك على الموضوع وان شاء الله يكون حظك احسن منه شكرا لك

ارزاق من الله

مواضيع عامة