معاناتي مع أفشل وكالة وكالة هوندا في الرياض طريق خريص

السلام عليكم ورحمة الله وبركاتة

يعطيكم العافية ياشباب

ماودي اطيل عليكم في الكلام .. عندما قررت اشتري دباب زرت جميع الوكالات اعجبني هوندا 600

موديل 2007 اللون الاحمر سعره كاش 34.000 ريال

وهذي صورته

**
*


*
**

وهذي صورة اخرى

**
*

*
**

كلمت الموظف المسؤل وقلت له اوكي توكلنا على الله .. قلت له انا بطلع الرخصة وجيك قال لازم تدفع

لي عربون عشان احجزة لك يقول باقي فقط دبابين احمر فقط في جده قلت ابشر ورحنا فوراً للمحاسب

ودفعت العربون قلت له كم تبي قال بكيفك قلت اوكي هذي الف

ريال وحجز لي الدباب قال لي ابشر

مر يومين قلت له ها كل شي اوكي قال اوكي المهم طلعت الرخصة يوم جيته قبل امس بدفع المبلغ كاش

تفاجئت انه يقول لا والله مافيه اللون الي تبي انباعت طبعاً انا عصبت عليه قلت ياخي

دافع لك عربون وكل اموري تمام قال والله الغلط منهم من المستودع

والله الفشل الصراحه .. قالي انباعت كل اللونين ومالك الا تنتظر 3 شهور اطلب لك من اليابان اللون

الي تبي

من جد والله قهر وشي يرفع الضغط

لعب على الدقون معاملة سيئة جداً

بعد كذا رحت لسزوكي الصراحه وحجزت اللون الي ابي وقالي راح اكلمك السبت عشان تجي تدفع

قلت اوكي

وهذي سالفتي وحبيت تشاركوني الراي

والله عالم مدري وش تبي ياناس فشل ذريع

لكم كل الود

ناس ماتستحي انصحك انك تشتكي لانه يمكن بعد اتدفع المبلغ كامل ممكن تجي بعد3 شهور يقول
ماعندنا اللون انتضر بعد 3شهور ويوروح عليك اللون والسنه الجديده وتجي دبابات احسن وتنقهر

أشتكي لمين ياحسره اكلم المدير يقول ماعليش غلطه

غلطو على حسابي

مالي الا عبدالله هاشم خخخخخخخخخ يشوف الفشل الي يحصل بمعاملة الموظفين والاسلوب مع الزباين

الله لايوفقهم واحد واحد

ماقول غير الله يكون في عونك و ان شاء الله ربي يعوضك بأحسن منه

دمت بخير