اختبر مستوى رجتك ..... الكل يدخل ..!!

المراجيج و الغير مراجيج؟....


هل أنت مرجوج !!


وإذا كنت كذالك .. ماهو مستوى رجتك ؟


للإجابة على هذه السؤال ماعليك سوى اجراء هذا الاختبار




السؤال الأول

انت توك قايم من النوم وطفشاااان ووااااصلة معك .. قمت تغسل وجهك

وتفاجأت بنملة تبي تدخل خشمك .. ما هي ردة فعلك

1- تمسك النملة وتفعصها بإصبعيك وأنت تكركر ومستانس و تقول :
والله يا أنتي نملة منسمة تبين تخترقيني .. هع هع ...

2- توخر النملة عن وجهك و تطيرها وانت تشتمها ..

3 - تخلي النملة تدخل خشمك ..


السؤال الثاني

رااااجع من المدرسة .. المهم وتلقى الواااالدة سرحانة في الصالة
تفكر .. ماذا تفعل

1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول :
الحقيني يقلبي .. قلبي .. ولما تنهبل أمك عليك وتبي تكلم أحد يجي يوديك المستشفى ..
تقول لها : قلبي تولع في الرياض .. حب ورثته من الجدوووود .. هع هع ..

2- تجي بهدوء من ورى أمك وهي سرحااانة وتصرخ في أذنها وتقول :
مساااااتس الله بالخير .. وطبعاً هي بتنفجع

3- تطلع غرفتك وماتسوي شيء


السؤال الثالث

انت توك مقيل وماخذ لك قيلولة على كيف كيفك ونااازل الصالة إلا
وتشوف خواتك الصغااار عند سبيس تون طااايرة عيونهم .. ماذا تفعل

1- تجي يعنني تكنس وتغطي عليهم التليفزيون <<< أحلى يا أليسا

2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف

3-تقعد تتفرج معهم


السؤال الرابع والأخير

بعد العشاء اشتهيت تويكس ونزلت تشتريه من البقالة ولقيت سيارة أحد من أقاربك..

1- تنسم كفراته الأربعة

2- تسلم عليه وتلزم عليه يعزمك على العشاء

3- تشتري له تويكس معك




النتيجة
أعط نفسك لكل اجابة رقم 1-عليه 3 درجات
رقم 2 عليه درجتين
رقم 3 عليها درجة وحدة



9 - 12
أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .



5 -8
أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك بتجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

اصفق جبهتك في الجدار قبل الغداء وبعده مرة في اليوم .



4 - 5
يا أخي انت ماانت في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.


الحل : تحتاج الى كورس رجة مكثف..





الكل يقول كم اخذ يا المراجييييييييج

مو تسكتون ولا تعلموني

تسلم ايدك يا ست البنات على الموضوع بجد استمتعت جدا
والصراحه انا اخذت 7 يعني مرجوج على نذاله
ههههههههههههههههههههههههههههههههههه

________________________
لكل الامم وطن يسكنو به ونحن لنا وطن يسكن فينا

الله يسلمك يالغالي ومشكور على مرورك النايس
هههههههههههههههههههههه اهم شي تسوي النصيحه

الله يدلك عالخير شو هالنصيحه

________________________
لكل الامم وطن يسكنو به ونحن لنا وطن يسكن فينا

هههههههههههههههه
يسلمو

________________________