طلبتكم أدخلوا وما راح تندمون إن شاء الله

بسم الله الرحمن الرحيم ..

السلام عليكم ورحمة الله وبركاته ..



أبغاكم تقرأو الموضوع ببصيرتكم مو ببصركم .. اتفقنا ياغاليين ؟!



إلاهي يسعدكم لا تسكو الصفحه اقرأوه كله بعدين قرروا اذا كان يستاهل ولا لأ !!

إنتم عارفين كويس لو مهما طال بينا العمر مردنا بـ نموت ..

فـ (( كل نفس ذائقة الموت )) ..



طيب قد فكرتو مره ايش بعد الموت ؟؟

غمضو عيونكم معايا للحظه واتخيلو انكم مُتو >> بعد عمر طويل ان شاء الله ..

وانحطيتو في القبر والكل رحل عنكم اهلكم واحبابكم وانقطع عنكم كل شئ بـ الدنيا فلوسكم ماراح تجي معاكم ولا اولادكم ولا شهاداتكم ولا وظيفتكم وكل شئ انقطع ..

إلا !!

كما قال الرسول صلى الله عليه وسلم (( اذا مات ابن آدم انقطع عمله الا من ثلاث " صدقه جاريه او علم نافع ينتفع به او ولد صالح يدعو له " ....... )) ..



اوقفو هِنا دقايق !!

يعني بس دي التلاته الأشياء اللي راح تبقى !! انا عارفه انكم مو عارفين الحديث الا حافظينه حفظ .. طيب قد فكرتو في دا الحديث ولو دقايق بس ؟؟

يعني من مفهوم الحديث انكم ماراح تستفيدو الا من دي التلاته بس .. لما تنحطو بـ القبر اللي والله انكم داخلينه داخلينه .. >>> بشرى ساره صح ؟؟



يالغاليين اعلمو انو الناس في حياة البرزخ ثلاثة اقسام :::

القسم الأول : ناس ماتو واندفنو ولـــكن اعمالهم الخيره وحسناتهم تكتب لهم الى قيام الساعه .. ان شاء الله نكون منهم .. " قولوا آمييين "

تدروا ليش ؟؟ لأنو عندهم ماالله به عليم من الصدقات الجاريه او العلوم المنتفع بها او اولاد صالحين مانسوهم من صالح دعائهم ..



أسألكم بالله انكم توقفو مع نفسكم وقفة مصارحه !!

ايش سويتو من دي التلاته ؟؟ او ايش عندكم منها ؟؟

عندكم صدقه جاريه ( ساهمتو ببناء مسجد , او دار للتحفيظ , او دعمتو وقف خيري ) ؟؟

أو عندكم علم نافع ( نشرتو مطويات دينيه او كتب , او خطيتو بـ يمينكم مايسركم ان تلقوه بـ صحيفتكم , او طبعتو على نفقتكم مصاحف او احاديث ..... الخ ) ؟؟

ولا عندكم ولد صالح يدعو لكم ؟؟

<<< اذا كانت اجابتكم بـ (نعم) فـ هنيئا لكم وطوبى وحسن مئاب ..

اما اذا كانت اجابتكم بـ (لا) فـ احمدوا الله انه احياكم لهذا الوقت .. فـ الوقت لم يفت مادام النفس تخرج منكم ومادامت روحكم لم تغرغر ..

فـ ابذلو قصارى جهدكم وليكن همكم شئ واحد !! ماذا سينفعنا بـ قبرنا ؟؟

حاولو يالغاليين بـ استغلال الوقت بـ قدر الإمكان اقلها انو يكون عندكم شئ من دي التلاته .. والله يوفقكم لما يحبه ويرضاه ..



القسم التاني : ناس ماتو واندفنو وانقطعت اعمالهم الصالحه والسيئه وقد أقفلت كتبهم ..

يعني راحو من الدنيا بـ خيرهم وشرهم .. ودا القسم اغلب الناس يكونو من ضمنه ..

بس لا تخلو نفسكم منهم كونو ايجابيين ولو في قبركم ..



القسم التالت : ناس تحت الأرض بضيق اللحود لهم سنين والى الآن سيئاتهم واوزارهم تجري في صحائفهم مثل زخات المطر .. وماراح تنقطع الين ماربنا يرث الأرض ومن عليها ..

فـ حسرة عليهم مااشقاهم ومااتعسهم ؟!! اسأل الحي القيوم ان لا يجعلنا منهم ..



تعرفو ليش سيئاتهم تجري لدحين ؟؟

هما عكس القسم الأول اللي تركو شئ من الأعمال التلاته الصالحه ..

عارفين ايش تركو ؟؟ تركو ذنبا جـــاريا والعياذ بالله ..

فهم يحملون اوزارهم واوزارا مع اوزارهم ..

فـ تجد الكثيرين همهم التنقل من موقع الى موقع آخر لـ ينشروا صورا وافلاما محرمه ومقاطع غنائيه وهم فخورون بـ توزيعها .. وغيرها من الذنوب الجاريه ..

ولم يعلمو المساكين ماذا جنو على نفسهم ؟؟ >>> من جد مساكين ..



هااا لسه ماجا الوقت اللي نصحى فيه ونفوق ونراقب اعمالنا ؟؟

اشياء كتيره نسويها تعتبر من المعاصي بس الكثير منا يقعد يفكر انو لسه بدري عالتوبه ولسه صغار واكيد ماراح نموت على معصيتنا وخلينا فري واللي جالسين نسويه اهون من بعض الناس اللي الله اعلم بـ معصيتهم !!

اذا جا الكلام دا في بالكم فـ اعلمو انكم ناس ضعيفين وانو الشيطان استحوذ عليكم واغراكم وصدكم عن الحق ..

فـ لا تجعلو من نفسكم ياعباد الله اولياء له لا تجعلو من نفسكم اولياء له ..



وحاجه حلوه كنت احب اكررها (( من ترك شيئا لله عوضه الله خيرا منه )) ..

يعني نسيب المعصيه دي عشان ربنا فـ اكيد اكيد انو ربنا راح يجازينا بـ اللي احسن منها بكتيييييييييييييير ..



لا تقل من اين ابدأ !!

طاعة الله البدايه ..

لا تقل اين طريقي !!

شرع الله الهدايه ..

لا تقل اين نعيمي !!

جنة الله كفايه ..

لا تقل غدا سـ ابدأ !!

ربما تأتي النهايه ..



بـ اختصار الموضوع يحتاج همه عاليه منكم وقرار جرئ وشجاع تتخذوه ..

وبعدها الثبات على الحق ..

هنا تهون الدنيا كلها عندكم في سبيل رضى الله .. وبكدا ان شاء الله تتغير مجرى حياتكم نهائيا وللأحسن بـ اذن الله ..



عارفين اكبر نعمه انتم فيها ايش ؟؟ هيا انكم عايشين لحد الآن ولم تغرغر روحكم وبـ مقدرتكم انكم تقولو : ( ربي اني ظلمت نفسي فإن لم تغفر لي وترحمني اكن من الخاسرين )

قال تعالى : (وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلاَّ اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ * أُوْلَئِكَ جَزَاؤُهُمْ مَغْفِرَةٌ مِنْ
رَبِّهِمْ وَجَنَّاتٌ تَجْرِي مِنْ تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ ) ..

مـــادام النفس تخرج منكم ـــــــــ " توبوا " ..



وطبعا قبل مااسيبكم كل اللي ابغاه منكم انو لو ماكان عندكم صدقه جاريه لا تخلو عندكم ذنب جاري ..



طيب لو ممكن انكم تنشرو الهرج دا يمكن اذا ربنا ماهداكم يهدي غيركم ..

بس طبعا يكون النشر من نفس طيبه ترا مو اجباري .. ^_* ..



أسأل الله لي ولكم الهدايه ..

وان يذكرنا بـ الشهاده عند الموت وان يحسن خاتمتنا ..

اللهم آمييين .. يارب العالمين



أحبكم في الله ..

بس قبل ماتخرجو دخـــيلكم دعوه حلوه ليا ..

الله لا يحرمني منكم ..



أخوكم / موسى الضبيبان ........... ( ابو سليمان )

مشكور يا ابو سليمان على هذا الموضوع الرائع وانتظر جديدك


اخوك AMoOoORE