إستخراج الرخصة Complete Guideline

السلام عليكم ورحمة الله وبركاته ,, أخباركم يا شباب ,, ان شاء الله طيبين
هذه أول مشاركة لي بالمنتدى وانشالله اني اقدم فيها ماينفعكم وينال اعجابكم
وللأمانة الموضوع منقول
بما أني توني مطلع الرخصة السعودية للدراجات النارية بعد حوسة و ضيعة بحط هنا المتطلبات كاملة لغيري ..
المطلوب
ملف علاقي أخضر ( رمز الدوائر الحكومية !! )
4 صور مقاس اربعه في سته
صورة من بطاقة الأحوال
تعريف من العمل او من الجامعه
تعبي النموذج الخاص للتقديم على الرخصة (موجود تحت للي يبي يحمله)
تأمين رخصه سعره تقريبا بـ 400 ريال او 380 على حسب الشركة.
تسوي بصمات في الأدلة الجنائيه و تاخذ تقريبا اسبوع ( غير مطلوبه للعسكر، مدنيين فقط )
125 ريال رسوم الرخصه
الخطوات :
Day 1
تعبي النموذج المطلوب مع صورة من بطاقة الأحوال و تروح مرور دلة بشارع التخصصي .. راح يسوي لك فحص نظر و انت واقف. راح يعطيك نموذج طلب للبصمات من الأدلة الجنائية مع صورة لك.
تروح للأدلة الجنائية و للي من الرياض الوصف بالضبط ،، تاخذ مخرج قصر الحكم شارع آل ريس و عسير .. تتجه شرق كأنك رايح المحكمه الكبرى .. امش لين تجيك محطة بنزين على اليمين تلف بعدها يمين و تلقى الأدلة الجنائية على اليسار وسط الحاره ،،
تبصم عندهم و يعطيك إيصال ترجع لهم بعد اسبوع ..
Day 2
بعد اسبوع تمرهم و تاخذ الصحيفة الجنائية ترفقها بالملف العلاقي الأخضر.
لا تنسى تجيب تعريف من العمل او الجامعه في هالفتره ..
تروح لدلة ،، ممكن تشتري تأمين رخصه من عند المحلات اللي قدام مرور دله ،، تروح لنفس الصاله اللي سويت فيها الفحص و الخرابيط الباقيه يتأكد من اوراقك إذا كاملة و لا لا و بعدين يرسلك للإختبار ..
تعطي اوراقك للعسكري و بيطلع لك دباب سزوكي 250 سي سي كروزر اسود .. انتبه من الكلتش حقة تراه مب زي الريس لازم تعطيه بنزين بقوه عشان يمشي .. انا طفى علي مرتين بس عادي ..
بيقولك خذ فره على الميدان و تعالي ... قالي كذا و دخل جو يعني حتى لو طحت من الدباب ما درى عني .. بس يمكن عشاني قلت له ان معي رخصة امريكيه و اسوق من زمان .. رجعت له الدباب كتب لي على الملف ناجح و ختم لي عليه تحت و قالي رح صالة 1 ،، انا رحت لابس ثوب و ما معي خوذه .. عطاني وحده بس اني لبستها فوق الشماغ .. صراحه ما تدري من اللي لابسها قبلك
صالة واحد اللي فيها حراج اللوح اول ما تدخل دله تصير بوجهك .. تاخذ رقم من شباك 15 و بعدين تروح للشباك الثاني رقم 14 تدفع 125 ريال حقت رسوم الرخصه و صورة بعد زياده و تروح الشباك اللي يقولك و تعطيه اوراقك و يسوي لك الرخصه يقولك انتظر ،، تجلس لين يخلص لك الرخصه و بعدين ينادون عليك و تاخذ رخصتك و مبرووووووووك ..
Hint: لا تروح لدله بعد الظهر او على آخر الدوام لأن ما راح يعطونك وجهه .. تعال 8 الصبح يعزمونك على الفطور و تخلص امورك بسرعه
و بالتوفيق
وهذا النموذج حق الرخصة حمله من هنا
http://www.m5zn.com/Download-7*****?name=31d6d7137e.zip
منقول
تحياتي ,,

بارك الله فيك يغالي على الموضوع

يعطيك العافيه ما قصرت

دمت بخير

يسلموووووووو خيوووووو

زعيم الاحساس ,, Jeddah Bikers ,, Elysee

أسعدني مروركم العطر


تحياتي ,,