أي شيء تبغاه لأي نوع من الدراجات خذه من الأون لاين أحسن

يا شباب .. لاحظت وجود إستهبال في السنين الأخيره من قبل معارض الدراجات بكافة أنواعها بخصوص توفير قطع الغيار أو الإكسسوارات أو حتى ملابس الوقاية والخوذ والصدريات الواقيه ... يعني فيه هبال وإستغفال على خلق الله من ناحية الأسعار .

أنا من هواة ركوب الأوف رود , وبصراحة شفت الشغله فيها سرق عيني عينك ,
المهم اللي وده في قطع غيار أو حتى إكسسوارات وملابس تراني مجرب الشراء من النت ..
صح رسوم الشحن بالفدكس واليو بي إس غاليه .. بي في النهاية تحصل على غرضك وبسعر أقل أو يساوي الموجود هنا بس الفرق في النوعيه وكثرة الخيارات .

على سبيل المثال : سعر أردى نظاره أوف رود عند باريان 160 ريال , ونفس النظاره من برا ب 16 دولار + شحن ( نعم الشحن السريع غالي بس توصلك في 5 أيام )
مثال ثاني : سعر قميص أوف رود مع بنطال هنا بين 600-1500 ريال , وأنا إشتريت صدريه حمايه موديل 2007 SHIFT تغطي الصدر والظهر والكتفين مع الشحن 1300 ريال ( قيمتها لوحدها 80 دولار والباقي شحن فيدكس ) ولو طلبت الشحن بريد عادي كان بيكلفني 35 دولار , بس أنا مجرب من سنين إنه بالبريد العادي يعني مسروقه هنا وما حتوصلك , يعني إدفع الزياده علشان تضمن توصلك للباب .

جربتهم كثير وخدممتهم راقيه , وفوق هذا الخيارات عندك كثيره جدا.

بصراحة أنا ناصح لأي واحد يبغى شيء يشتريه من برا وخل هالمحلات والوكالات يبيعون بصل إنشاء الله .

إللي يبغى أي شيء سواء كان للكلاسيك أو الهارلي أو ميتريك أو الرمليه ( حتى الدبابات الثلجيه )
خيارات الفور ستروك الرمليه ديرت بايك أقل شوي , بس حقين الأنواع الثانيه بيركبون نظارات من كثرة الخيارات.

إللي يبغى إسم معرض في أمريكا , وطريقة الدفع ورسوم الشحن ( تقدير ) أنا في الخدمه . الله يوفق الجميع.
.

مشكور على الخدمات
الله لا يحرمنا منك
تحياتي,

والله العظيم انك صادق المحلات يستغفلون الواحد

واستغفال عيني عينك

تحياتي لك على موضوعك

أنا والله غلطان , وسامحوني المفروض إني حاط المعلومات بدون حاجة أحد يسأل بس لأني عملت حساب ممكن ما أحد يهتم .
أفضل من إشتريت منهم وأكثرهم تنوع وجودة خدمه هذولا :
في ولاية مينوسوتا.www.denniskirk.com
بعد كذا تختار فئة الدراجات اللي تبغى , وبعدين يجيك خيار تحط إسم الدراجه ( موديلها ) وسنة الصنع
وبعدين تجيك الخيارات بالتفصيل من قطع الغيار للأكسسوار إلخ ..

يا أخوان إللي عنده صعوبه في تصفح المواقع الإنجليزي يكتب بس وش طلبه من الموقع ونوع الدراجه اللي عنده وموديلها , وحتى إذا كان بس يفكر في تعديل معين يوضحه وأنا أرد له الخبر .

بالنسبه لطريقة الدفع : بطاقة الإئتمان , أو التحويل البنكي . ( تفاصيل التحويل البنكي عندي وعن طريق الراجحي توصلهم في 3 أيام ) بس الراجحي يأخذ عموله 60 ريال والبنك الوسيط في مينوسوتا يأخذ 20 دولار.
أنا أستعملت الطريقتين ومشت تمام .
الشحن : البريد العادي ( ما أنصح : ما حتوصلك , ولو وصلتك توصلك بعد ما تصير جد وعندك أحفاد )
البريد الممتاز : ما جربته , وممكن يتأخر في الوصول
وهو نوعين سريع جدا ثلاثة أيام , وعادي خمسة أيام FedEx intel. :
2 رطل او الكيلوغرام الواحد في صندوق بحجم صغير 30 سم * 20 سم تقريبا يكلف 60 دولار
صندوق كبير 70 سم * 50 سم بوزن 2 كيلوغرام يكلف 265 دولار تقريبا .

مره ثانيه , أنا في الخدمه وعندي كتالوج 2006 بحجم دليل التليفون ملون ممكن أرسله لإدارة النادي في جده يستفيد منه الأعضاء لأنه عندي نسخه ثانيه , مه العلم إن معظم القطع موجوده على موقع المعرض وممكن تشوف كل الصور واضحه وملونه بأسعارها بالدولار .

تذكرت حديث الرسول صلى الله عليه وسلم : (( من كتم علما نافعا ألجمه الله يوم القيامه بلجام من نار ))
تذكروا هذا الحديث ولا أحد يبخل على أحد في أي معلومه مفيده وفيها خير .

عندي دباب هوندا CBR 1000موديل 2006 اللون فضي ابغى غطى المقعده الخلفية بكم