من الشعر الشعبي العراقي

بعدني بخير
بعدني ابحيل يتلاوه الحديد وياه
بعدني ابعين المحبين شاب هوايه تتمناه
بعدني مقــّدر ومحسوب بين الناس صاحب جاه
بعدني مشجل ابحيلي ولا فد يوم اكًـــولن اه
بعد ما رجفن اضلوعي ولا بالجله اكًـول اشاه
بعد ما ذبني وكتي ولا لذت بحمــــــاه
بعدني وما عثر جدمي شجاكم صحتوا حيل وياه
الف وسفه وصلنه الهل وكت وبعيــّنه شفناه
بعد ماكو محنه ولا اخو التنخاه
ولا ابن الوفي للخــّلفه ورباه
ولا صاحب صديج تامن ابممشاه
صدك يمشي النمل للدبك يتعناه
وصدك يتخربط الموزون من تمشي عكس دنياه
وصدك شدة النار اتفسـر المكًــلاه
وصدك ولية **** الدنيه للتولاه
بس البيه عزم ما تنثني يمناه
يحـّسـب للقدر وبحيله يتلكًـاه
بعدني هنا .... بعدني بخير
عايــــــش والحمد لله

*****

سلمت الايادي على الطرح

اسعدني التواجد

دمت بكل خير

________________________