قصة حلوة لكن طويلة ... وتستحق القراءة

[align=center:8e025298c4]قصة راح تعجبكم أكيد

السلام عليكم ورحمة الله وبركااااته000
هذي قصه بنت اسمها لطيفة مدمنه على النت وكانت ماتسكر النت الا الساعه 1
بالليل
في يوم من الايام اضافها واحد ومسمي حاله ( الامبرطور ) المهم مر اسبوع
وهي ودها تعرف مين هذا
بعد ثلاثه ايام دخل هو الماسنجر وشافته طبعا انبسطت عشان بتفتح تحقيق
هو : الامبراطور :
هاي


لولو :
من انت

لولو ::
ومن وين عرفت ايميلي وش حقه اضفتني ومين اعطاك الايميل...الخ


الامبراطور ::
بسم الله شوي علي

لولو :
سلامتك ماني صارعتك يالله بسرعه جاوب

الامبراطور :
ليش انتي بنت

لولو :
أي عندك مانع


الامبراطور :
لا بس انا غلطان اختي لاني كنت بضيف صديقي وطلع الايميل غلط


لولو :
وليش تغلط عمي ماتشوف

الامبراطور :
اختي قلنا آسف عن الغلط من البدايه ماسكتها تحقيق معي

لولو :
اجل تضيف بنات الناس وماتبغا حد يحقق معك والله شباب فاضي ماعندة سالفه

الامبراطور :
اقول اختي فرصه سعيدة وآآسف مرة ثانيه وممكن انك تحذفيني او تحضريني
اذا مش عاجبك الوضع

لولو :
يعني ايش تقصد

الامبراطور :
اقصد مع الف سلامه

لولو :
ليش ما اعتقد كلامي يزعل

الامبراطور :
لا بس انا مشغول شوي باي

لولو :
لحظه لحظه

الامبراطور :
هلا تآمرين بشي

لولو :

لا سلامتك بس ماقلتلي ايش اسمك

الامبراطور :
هههه ليش مهم

لولو :
وليش الضحكه ما اعتقد كلامي يضحك

الامبراطور :
لا ابدا لاكن كلامك بالبدايه غير وهذا غير

لولو :
طيب آسفه على السؤال باي

الامبراطور :
باي

**

وضلت لطيفة حاقدة عليه لانه استفزها وما اعطاها وجه


ومر يومين وماشافته بالنت طبعا مدة طويله لوحدة طول وقتها بالنت


المهم لما دخل على الماسنجر على طول هي الي بدت الكلام


لولو :
مرحبا

الامبراطور :
مراحب

لولو :
كيف الحال

الامبراطور :
بخير


وبعد صمت طويل

لولو :
آسفه الظاهر انك مشغول وانا عطلتك

الامبراطور :
لا ابدا حبي لا كن انا اشتغل على البحث حقي وما ادخل الماسنجر كثير

لولو :
وشو حبك حبتك القرادة قول انشاء الله

الامبراطور :
وش فيك انقلبتي

لولو :
بس بأي صفه تقول حبي

لولو :
الشرهه على الي يكلمك مش عليك

الامبراطور :
سوري آنا آسف وحقك علي

لولو :
سوري ولا لبناني مايهم وهذي آخر مرة تقول ذا الكلام

الامبراطور :
طيب ياصاحبه السمو اوعدك ما اعيدها

لولو :
الـــله عجبتني كلمه صاحبه السمو كذا الكلام والا بلا

الامبراطور :
خلاص من اليوم ورايح راح اناديك صاحبه السمو وش تبغين اكثر من كذا

لولو :
طيب انا ايش اناديك

الامبراطور :
هههههه
حلو ذكائك انا ناديني باسمي خالد

لولو :
واااو اسمك جنان حلو مررة حلو مش مثلي طاح حظي

الامبراطور :
كل واحد اسمه حلو ولايق عليه

لولو :
ليش مش حاب تعرف ايش اسمي

الامبراطور :
على راحتك اذا حابه تقولي قولي واذا مش حابه اكتفي بصاحبه السمو

لولو :
طيب كم عمرك شكلك مش كبير

الامبراطور :
عمري 38 سنه

لولو :
العمر كله

لولو :
على فكرة انا اسمي لطيفة وعمري 31

لولو :
اقول وش رايك انا معي شله بنات نضيفهم بالمحادثه وندردش

الامبراطور :
لالا انا مثل ماقلتلك عندي بحث ولازم اخلصه
الامبراطور :
باي

لولو :
براحتك باي

××

وضلت لطيفة دوم تفكر فيه وبعدها ضل لمدة ثلاثه شهور مايدخل النت

>البنت جنت وقالت اكيد شافله شوفه ثانيه


وضلت تفكر فيه لاكنها كانت تقول دوم هو غير الشباب الي بالنت هو غيرهم
كلهم واحد ثقيل

مايهمه البنات كثير

وبعد اسبوع....
××

الامبراطور :
يامساء الخير والاحساس والطيبه

لولو :
اهلين وينك يالقاطع

الامبراطور :
سلامتك لاكن الاختبارات ماترحم وهذي آخر سنه لي

لولو :
الله يوفقك

الامبراطور :
وحشتيني مووت

لولو :
انت اكثر

الامبراطور :
صدق تتكلمين ؟ ما اعتقد

لولو :
والله ما اقدر على فرقاك جد اتكلم شوفلك صرفه

الامبراطور :
خلاص انا عند حل يرضي كلا الطرفين

لولو :
ايش هو ؟

الامبراطور :
ايش رايك اعطيك رقم جوالي واذا حبيتي تشوفيني بالنت او وحشتك مثل
ماتقولين ارسلي بس رساله لي

لولو :
نعم نعم نعم لا منت صاحي ولا تفكر بيوم اني مثل البنات الي انت تكلمهم
انا بنت ناس ومتربيه وو .....

الامبراطور :
والنعم لاكن انا ماقلت بكلمك قلت ارسلي رساله و يصير خير

لولو :
خلاص غير الموضوع بسرعه

الامبراطور :
اوكي لا كن هذا رقمي اذا حبيتي تشوفيني مرة ثانيه بالنت ارسلي بس رساله
××××××××

لولو :
طيب باي

الامبراطور :
باي
من خالد لاكنها ولشدة فضولها سجلت الرقم

المهم بعد كم يوم اشتاقت تكلمه او بالاخص عندها موضوع حبت تقوله عنه


فكرت وفكرت ايش تسوي او كيف تشوفه بالنت

فقالت لنفسها : ليش ما ارسله رساله مثل ماقال هو مابيكلمني ولا انا راح
اكلمه


المهم كتبت برسالتها (( خالد معليش لو سمحت تدخل النت ضروري ))


المشكله انه مارد عليها


مرت نص ساعه على ذا الوضع

انقهرت البنت وارسلت رساله (( معليش آسفه على الازعاج ))


وكرهت نفسها بعد هذا الموقف انها تصورت انه مطنشها


وبعد ايام (( شافته بالنت ولا كلمته وضلت على هذا الوضع ربع ساعه ))

ملت وتنازلت انها هي الي تبدأ بالكلام

×××××××

لولو :
السلام عليكم

الامبراطور :
هلا والله

لولو :
لو سمحت احذفني من عندك وما عاد اشوف رقعت وجهك بالماسنجر

الامبراطور :
اللهم سكنهم ايش الي صار

لولو :
بعد الحركه الي سويتها معي ماودي اكلمك او حتى اشوفك بالقروب حقي

الامبراطور :
ليش لاسمح الله انا ايش سويت

لولو :
لا انت برئ ماتسوي شي

لولو :
بس طنشتني وانا كنت محتاجه لك ذاك اليوم

الامبراطور :
أي يوم

لولو :
اقصد الرسايل الي ارسلتها لك لاتستهبل خويلد

الامبراطور :
آآآة تقصدين حقت النت

لولو :
أي هي ليش مادخلت النت او حتى قلت انك مشغول

الامبراطور :
لا عمري انتي فهمتي غلط انا افتكرته واحد من الربع مطلع رقم جديد

لولو :
لا بس انا آسفه وهذي آخر مرة كانت لحظه طيش

الامبراطور :
عمري لاتقولي هذا الكلام وثاني شي انتي قلتي انك ماتبغين الرقم آخر مرة
شفتك فيها

لولو :
طيب قلتلك انسا الموضوع

الامبراطور :

طيب ايش هو الموضوع المهم الي كنتي تبغين تقولينه

لولو :
خلاص ماله داعي

الامبراطور :
بتقولين ولا كيف ؟؟؟؟ تراني عصبت

لولو :
كل مافي الموضوع ان انا خطبني عبد العزيز ولد عمي طيب وانا ما احبه ولا اطيق
اشوف رقعت وجهه

واهلي موافقين كلهم واخاف ارفض وعمي يزعل من بابا

الامبراطور :
والمطلوب

لولو :
انصحني

الامبراطور :
شوفي انا ماني سريع بالكتابه

يعني راح اتصل عليكي واقولك رايي لان الموضوع باين عليه طويل

لولو :
لااااااااا مجنون انت

الامبراطور :
يابنت الناس ماني مآكلك وثاني شي انتي لاتتكلمين انا بس الي راح اتكلم
اوكي


لولو : وبعد تفكير
طيب لاكن انا مابقول ولا كلمه

الامبراطور :
اوكي
××××××××

بعد ثواني
تررررن ( نغمه راشد )


خالد : الوو مرحبا

لطيفة :...... (صامته البنت تستحي)

خالد : طيب قولي مرحبا انا كذا ما اعرف اكلمك وانتي ساكته يعني كأني
مجنون اكلم نفسي


لطيفة : (( بلا شعور )) لا سلامتك

خالد : الله يسلملي هالصوت الحلو

لطيفة : (( لاتعليق ))

خالد : اوكي ماراح اطول عليكي انتي قلتي انك ماتحبينه ممكن اعرف السبب

لطيفة : ضروري تعرف

خالد : اكيد عشان اقولك رايي

لطيفة :
(( لطيفة طبعا بلا شعور )) لانه واحد معقد وتافهه وماعندة سالفه

خالد : يمه منك كذا على طول خليتيه معقد ؟ اكيد في سبب

لطيفة : لا بس من طريقه كلامه واسلوبه وثاني شي شايف عمرة مدري على ايش
كأنه مافي حد مثله

خالد : يعني اللي شايف نفسه معقد او مغرور

خالد : انا طيب مهتم بنفسي فوق ماتتصورين
ههههههههههههههههه

لطيفة : لاااااا عاد انت غير


خالد : من أي ناحيه

لطيفة : كلك على بعضك حلو

خالد : احم احم

خالد : كله من ذوقك يا عسل

لطيفة : تسلم (قالتها بكل خجل )

خالد : المهم اذا كنتي لهذي الدرجه ماتحبينه خلاص ارفضي والي يصير يصير
لطيفة : طيب ممكن طلب

خالد : آمري

لطيفة : ممكن ترسلي صورتك

خالد :هههههه لا طبعا

لطيفة : طيب آسفه

خالد : لا عمري لاتزعلين لاكن انا من جد مش وسيم واخاف تنصدمين

لطيفة :طيب اوصفلي نفسك

خالد : احم احم طبعا اناقصير اسمر شعري كشه على قولكم انتوا البنات

لطيفة :ههههههههه أيش دعوة

خالد :طيب هذا ابن عمك حلو

لطيفة : ياي يجنن تخيل طويل وابيض عيونه عسليه وشعرة ناعم مثل جواد
العلي

خالد : هههههه هذا الي قاطع قالبكم يالبنات جواد وطقته

لطيفة : لا بس ماشاء الله عليه كثير وسيم يمكن احلى مني بعد

خالد :ليش انتي مش حلوة

لطيفة : لا قمر واحلى من القمر بعد لا كن انا متواضعه

خالد : هههههه واضح متواضعه

لطيفة : اووو خالد الساعه 2 الوقت سرقنا وانا عندي شغل

خالد : اوكي عمري ما اطول عليك لاكن بكرة بس اجلس الصباح راح ادق عليكي
اوكي

لطيفة : اوكي مع السلامه

خالد : تصبحين على خير
×××××××

جلست لطيفة الصبا ح وهي متأخرة على الدوام


جلست بالمطبخ تفكر بخالد وفجأة رن الجوال ( نغمه راشد )

خالد : الو

لطيفة : الوووو

خالد : يسعد لي هالصباح

لطيفة : هلا والله الطيب عند ذكرة

خالد : مشاء الله كنتي تفكرين فيني ولا كلام بس

لطيفة : انت ايش شايف

خالد : ماقلتيلي ماعندك شغل الحين

>لطيفة : لا عندي بس خليته بعدين واختي الحين بتضايقني

خالد : اوووف ماعاش من يزعل عمري

وضلت لطيفة وخالد على هذا الحال كل يوم تكلمه ولاتفوت أي شي الا وتقوله
له

ورجع في يوم من الايام ولد عمها وتقدم لها للخطبه

لا كن اهلها هذي المرة غصبوها على الموافقه

ووافقت بعد تردد وتفكيرطويل

واتصل خالد :
الووو
عمري كيف الحال

لطيفة : هلا حياتي كيفك

خالد : تمام

لطيفة : خالد بقولك على شي متعبني

خالد : ايش هو لايكون تعبانه او مريضه

لطيفة :
لا حياتي لا كن ولد عمي رجع خطبني مرة ثانيه واهلي غصبوني عليه

خالد : طيب ( يعني ايش )

لطيفة : يعني انا وافقت عليه وصار خطيبي وبعد اسبوع كتب كتابي عليه


خالد : طيب تحبين اخطبك

لطيفة : انت تتمسخر ( تقولها وهي تبكي )

خالد : لاعمري لاكن ليه تبكين

لطيفة : لانك آخر واحد فكرت انه يتمسخر علي

خالد : طيب اقولك على سري الي ماقلته لحد قبلك

لطيفة : ايش هو

خالد : انا كمان خاطب بنت قرايبنا

لطيفة : ايش وليه ماقلتلي لهذي الدرجه انا رخيصه ووو...

خالد : انتي وش فيك صبر علي

خالد : آة وعلى فكرة اسمها لطيفة وعمرها 31 وهي بنت ولا كل البنات

لطيفة : ايش تقصد ؟

خالد : اقصد ياعمري انا اسمي عبد العزيز وخاطب بنت عمي لولو

لطيفة : (بدون شعور سكرت بوجهه السماعه )


المهم بعد ماعقد قرانهم اجا عشان يشوفها ويجلس معها

هي كانت تبكي وتقوله ليش سويت كذا فيني حرام عليك

قالها لانك كنتي ماتحبيني وخليتك تحبيني غصب صح

قالتله : صح
وتبادلو الضحكات

وعاشوا حياة سعيدة

القصة حقيقية


أتمنى تعجبكم
((منقول))[/align:8e025298c4]

قصتك طويييييييييييله وانا مافي اقراءه دحين
لكن برجع اقرائها بعدين وانا رايق

مشكوورة

هههههههههههههههههههههههههههههههههههه
thumbup.g: قصة مرة حلوووووة الله يعطيك العافية على هيك قصص thumbup.g:
والله يستر لنطيح فأبن عمنا على المسنجر

يسلموو عالقصة الطوييييييله مرررررره whistling:

تسلمي يعطيك العافية

________________________

www.jeddahbikers.com