كلمة من عندي وبيت شعر من عندك

مساء الخير والاحساس والطيبة
مساء ما يليق الا باحبابي
مساء الغير غصن الطير يحكي به
عن اللي مسكنه بعتبى واهدابه
هلا باللى احبه كثر تعذيبه
وكثر ما هو يغيب وكثر ترحابي
حبيبي هو ولو ما قصر الغيبه
و لو عن بسمتى قد طول غيابى
اعرفه زين وأعيتنى أساليبه
عدوي يوم ويوم أقرب من أصحابي
ملكني بين ترغيبه وترهيبه
يفارقني وهو واقف على بابي
به الصادق به الغارق بأكاذيبه
يبي بعدي ودمعه بلل ثيابي
به القسوة به الانكار به الريبه
به الضعف القوى به نشوة اغضابي
هلا باللى يصيب العقل بالريبه
يقول العقل أنا زاين ويبقى بى
هلا باللي يقول الورد وشلي به
من المهدي أنا أو هو لاطيبابى
هلا باللى على يقسى و اماري به
هلا باللي ابد ما لان لعتابي
هلا باللي عجزت القى عذاريبه
هلا باللي تحبه.. كل اسبابي
مساء فاق كل الشعر ترحيبه
بجية من سكن جفني واهدابي
مساء فاض بالاحساس والطيبه
مساء..مايليق الا باحـــبابي

اللي بعدي ((( راجع )))

لا تتصل لي ولا ترسل لي حروفك ،،

مابا سوى تمسح ارقامي من اللسته ،،


عجزت اداريك و امشي رغبة شفوفك ،،

ما فيه درب لكسب لرضاك ما دسته ،،


عقب الخيانه تجيني تشرح ظروفك ،،

انت الذي حبنا تحت الجدم دسته ،،



جملت كراسة التعبير بوصوفك ،،

لا و حسافه قصيد ٍ فيك كرسته ،،



ابعد بطيفك عيوني ما تبي شوفك ،،

تراك جرح الخفوق بجد لامسته ،،



لو كان بعض الخيانه ساكن بجوفك ،،

عذرت قلبي و عاطفته وسوسته ،،


صحيح انا كنت احبك و اعشق طيوفك ،،

و ان جيت قلبي بغربة هم ونسته ،،


ان رحت يا صاحبي كملت معروفك ،،

شجعت قلبي على بعدك و حمسته ،،


لا يا زمن ماني بناقص من صدوفك ،،

وش عاد باقي معي يا وقت ما حزته ،،


يا قلب لا تنحـنـي لأحد ٍ وانا اشوفك ،،

وش لك في بنت ٍ فنون الغدر دارسته ،،


عدلك و ميلك تساوت والسبب خوفك ،،

من واقع ٍ يكشف اللي فيه مارسته ،،


والله لأخليك عقبي تصفق كفوفك ،،

و اشرّب اللي تغطرس كاس غطرسته ،،


بوقفك في طريق الغدر و اطوفك ،،

دام الغدر هو هواك اللي تنفسته ،،


بس انتظر لا تناظر لحظة وقوفك ،،

اخاف اضعف و ارد اسمك على اللسته ،،

\
/

(الجنون)

بعض العرب حبة يوردك الجنون
ولا يوصف لة غلاة احكاك لة

ما يقنعة وصف الغلا وش يكون
لو كل حرف بالحرير يحاك لة

الموت جاك وهو تقبلة الظنون
ولا لك الا الصبر ....وش وداك لة

ان قلت ضاق ..قال..هونها تهون
مايدري ان ضيقتك لة ..وبكاك لة

تقعد تحبة وانت ساكت ومغبون
يمكن بيوم يقال لة ما اوفاك لة

وكانك مشكك هو يمون ..او ما يمون
تخيل ان عفت الصبر فرقاك لة

غلاة من فوق الغلا ماهوبدون
وحكاة سمعك يجبرك بارخاك لة

ودك تحطة فالعيون من العيون
وتبسط على رمضى الثرا يمناك لة

وتظلة من الشمس في ظل الجفون
ولا يمر اذنة سوا لباك لة

وتسج من غيرة لونهم يذكرون
ومنين ما سجت القدم ممشاك لة

فلو يميلة الترف ميل الغصون
غصن ليان ومكرمة بسقاك لة

جديلة الى اقفي ستر منة المتون
كني بريحة لا لتفت لدعاك لة

يزها الملابس ..اي لبس..واي لون
وفالليل وجهة لا ظهر قداك لة

كيك وعسل لكن ما هو في صحون
ودعاك من عين الحسود اغطاك لة

اللة لا يعطية ناس س ينضلون
ويستر علية من النحل لا ياكلة

والوصف والتعبير في وصفة يخون
غير اطلب الله يستجيب ادعاك لة

وهذال قلبك في محبتة يجسون
سكينهم عن قطع حبلة حاكلة
اللي من لحوم الاوادم ياكلون
وحلوقهم دافعالبلا متواكلة

ناس عن اعراض العرب ما يعرضون
ودايم على نفس الشكل والشاكلة

في سلمهم او لا بالاكل الاقربون
واطيبهم اللي صيدتة شكواك لة

يدعيهم الشيطان للذيب ويجون
هذا يقطع لة وذاك يواكلة

من جاك منهم لا تبين لة سنون
واضرب يمينة لا بغى يسراك لة

يا جعلهم فدوة ثر الغض الفتون
اللي على درب الطويل اخطاك لة

طيفة الى نام البشر زادك بهون
وطيفك الى نام البشر سراك لة

حبة دفان ومقبرة خضر الطعون
بين العظام العوج كنك ناكلة

فلو غلاة يوردك حوض الجنون
ولا يوصف لة غلاة احكاك لة

تدري بأن الجبـل ينهـد مـن قطـره
اقـرا عيونـي قبـل يحكيلـك لسانـي

تدري متى؟ لاختنق هالكون مـن عبـره
ثم سيل النجـم يبكـي فعلـة الجانـي

شفـت الجبل..وقتهـا ابينتهـي امـره
ينهـد كلـه وانـا تتزلـزل اركـانـي

وتبقى الحنايـا تجـر لخافقـي قبـره
تقـول :يلـه يـرد يقـول:"م مدانـي

مجنون وده يعيشـك فـي امـل بكـره
مجنون مايـدري انـه عايـش فانـي

اتصدق اني جمعـت الثلـج والجمـره
لاقلت:طيب وانـا فـي عـز حرمانـي

واتصدق ان العقل مانـي علـى خبـره
انكرت دربه ورحـت اخـاوي جنانـي

منك شهقت الهمـوم وثـارت الزفـره
ريح تهـز المـدى وتكسـر اغصانـي

والشعر لامـن كتبتـه صابتـه سكـره
مدري من احساسي او من هيبة الحاني

والبيت لامـن بديتـه ينقتـل شطـره
ويضم خنجر عذابـي شطـره الُثانـي

هذا قصيدي نبض بالصـدق واعتبـره
عطيـة الحـزن ماهـو ورث جدانـي

ولو قالـت الناس:ماحـرك ولا شعـره
صدقني لا قلـت لك:"بكيـت جدرانـي

وشفيك ليه بغموضـي تاهـت النظـره
ليه اتساءل :غموضه ويـن ودانـي؟!

يمكـن لانـي ظـلام عافتـه قـمـره
يمكن..ويمكـن لان الشمـس تجفانـي

خلاص همل جنـون الشاعـر وشعـره
ابحرق افكار شعري واكسـر اوزانـي

مابيـك تفهـم ولا تستوعـب الفكـره
ياهيه تكفه ابـي تستوعـب احزانـي

ناظر عيوني وشوف"الضيق" وش "كبره"
افهم على شان حزني او علـى شانـي

عرفت ليه الجبل ينهـد مـن قطـره؟
!ان ماعرفـت السبـب ارجوك:تنسانـي