كلمة من عندي وبيت شعر من عندك

النور غطيته بليله عتيمه

والعين تسهر واكثر الخلق نيام

لاما اهتنيت بفرحتي اليتيمه

تبدلت الافراح بجروح وآلام

ياشينهم اهل القلوب الظليمه

ماهمهم جروح الضماير والآثام

^ أوعدك^

وجودي وجد منهو على الشين مغصوب
وكل خلق الله ضده ولا حي معه
وجودي كل ماميلت شمس الغروب
وجد من قفى حبيبه وعينه تتبعه
ويامناة الروح والعمر يالطرف اللعوب
ارحم اللي صار حبك مناه ومطمعه
وارحم اللي لو يجيه الغلا من كل صوب
مايغير حبك اللي من العام زرعه
واغتنم قلب ملكته بدا صبره يذوب
كن حبك صوب حوظ المنيه يدفعه
وابعده عن نار هجرك ليا شبت شبوب
حاول انك لا وصلها بكفك ترفعه
سمعه كلمة احبك بتعبير السلوب
كلمه تشفي غليله وتنعش مسمعه
وحسسه بانك تحبه وهو فيك محبوب
ونسه انك ناوي من حياتك تقطعه
والله اني كل ماقلت بس من الذنوب
كل شي في طريق الغرام بنمنعه
وابتدا قلبي يوافق على شتى الدروب
كن كف الحب تدخل حشاي وتصفعه
قلت ياقلب اتركه هذا الهوى يصعب صعوب
وانتبه كاسه من الحب بالك تجرعه
قال لي وشلون والله ماتركب ركوب
اتركه من بعد ما صرت خاتم باصبعه
لين حار الفكر في الحب وانشبته نشوب
كان تقدر تنزع الحب مني فانزعه
ماذكرت الا غرامي وسراق القلوب
لا جعل عينه بعيني ووطى برقعه
والنهايه ياهوى هاك قلب لك رغوب
بس تكفى ياهوى لاتسيل مدمعه

** الود **