أريد اشتري دراجة بس محتار ممكن تساعدوني ارجوكم

السلام عليكم ورحم الله وبركاته

شخباركم ان شاء لله طيبين

مثل ما انتوا شايفين هذي اول مشاركة لي بمنتداكم الطيب

والصراحه اعجبتني مواضيعكم وردودكم فقمت بالاشتراك ^^

اخواني الكرام انا أريد اشتري دراجة وهذي المره الاولى الي اخذ فيها دراجة وماعندي اي خلفية عن الدراجات

فقلت مالي غير اصحاب الخبرات ^^

انا محتار بين 4 دراجات والي هن

1- Suzuki GSX-R 750
2- Suzuki GSX-R 1000
3- Suzuki GSX-R 1300 ( هايــبوزا )
4- Suzuki Raptor 350

الان بقولكم ليش أريد اشتري دراجة
سلمكم الله انا ابغي دراجة حق طلعات مع الربع ..اروح فيها صوب السينما والمولات..اروح فيها للجامعة (لاني تعبت من السيارة .. عندي نيسان باترول والبترول ذبحني ) .. وللشغل (لاني اداوم بدبي ودبي زحمه مووت اطلع الساعه 6 عشان اوصل دوامي الساعه 9 !! فقلت اخذ لي دراجة مثل ربعي يوصلون بدراجاتهم من وقت ههههه ) وهيك يعني للهالسوالف

ما افكر في الريس والسباقات وحركات المخبل (بعيد عن هالسوالف)

صح ان اول 3 دراجات محتار بينهن هن يعتبرن اسرع الدراجات ف العالم لكن عجبني الشكل واخذ بالذكر (الهايبوزا) رهيبه الصراحه لكن ماعرف عنها اي معلومه

يعني ابي اعرف من ناحية :
- الوزن
- الثبات والتحكم ع الطريق
- البترول (اهم شي) خخخخخ

ميزانيتي من 0 حتى 60 الف ريال\درهم

انا ما اعرف اي الدارجات تناسبني اكثر .. لاني سالت فـ الوكالة .. ومندوب المبيعات مافادني بشي .. كله يقولي هالدارجات خطر عليك وخطر عليك .. مع اني قلت له انا مابيها للريس قالي ماينفع خذ لك رابتر ! يعني هو غصب اخذ رابتر وانا مابيها ههههه بس من كثر ما ألح علي دخلتها من ضمن ترشيحاتي


فأي الدراجات تنصحوني آخذ ؟

أرجوا التصويت وذكر السبب والفرق بين كل دراجة .. وشو هن استخدامات كل دراجة ولوين ولشو يكون الاستخدام << ياكثر اسألتك ياغرشوب !!

بانتظاركم