الصراخ فى الحلم

نانسى مازن

السلام عليكم ورحمه الله وبركاته
انا حلمت حلمين فى نفس اليوم وقلقنى جدا اتمنى حد يفسرهوملى قريب ان شاء الله
الحلم الاول [حلمت انى واقفه فى البلكونه لوحدى وشوفت ناس بيصرخوا وبيجروا وانا مش عارفه ليه ولقيت واحده بتقول التانيه وهى اختها روحى انتى لماما والست اللى قالت كده جريت ناحيه تانيه ومامتى دخلت عليا البلكونه تقولى هم بيجروا ليه ده انا سمعت الطيار بيقول مفيش حاجه بس فى الحلم حسيت انهم بيجروا وخايفين من زلزال وصحيت من النوم وانا مفزوعه ونمت وحلمت الحلم التانى


الحلم التانى انا وماما روحنا مكان تقريبا مول وكنا عاوزه اشترى روج وببص من بعيد على محل فيه روج بس مدخلتش حسيت انه هيكون تمنه غالى ودخلت المحل اللى قدامى لقيت فيه طرح ولبس بس اللبس كان مقاسه صغير ودخلت محل تانى بس فيه طرح كتير ولبست حاجه عامله زى البندانه اللى بتتلبس تحت الطرح بس لبست نضاره سوده والبندانه مربوطه فى النضاره وملفوفه على شعرى وبقول لماما ايه رايك فيها حسيت انها مش عاجباها اختارت طرحه لونها اسودوفيها احمر خفيف لبستها وبوريها لماما حسيت برضه انها مش عاجباها وهى مشيت بعيد عنى شويه قولت طيب اختار الطرحه البرتقالى وقولت للبنت اللى فى المحل تنادى لمامتى عشان تشوفها حلوه ولا لاه وخلص الحلم

اسفه على الاطاله بس قلقانه وعاوزه حد يريحنى بتفسيره

نانسى مازن

السلام عليكم ورحمه الله وبركاته ازيك يا ام بدر عاوزه اعرف ليه احلامى متفسرتش لحد دلوقتى

نانسى مازن

السلام عليكم ورحمه الله وبركاته انا فسرت حلمى والحمد لله ارجو عدم تفسيره فى الموقع حتى لا اضيع جهدكم وربنا يوفقكم ويجازيكم خير