من القوانين العجيبه

قانون الاصطفاف :-
إذا كنت صاف في سرى بالسياره وكان بطيء وقمت غيرت سراك ومسكت السرى الثاني فجأة يصبح السرى الاول يمشي أسرع من اللي أنت الآن دخلت فيه.

قانون التلفون:-
عمرك ما تتصل على رقم غلط ويطلع مشغول.

قانون التصليح:-
عند ما تتوسخ يديــك بزيت أو شحم ماكينة ، خشمك يبدأ يحكك.


قانون المعدات:-
إذا وقع من يدك أي شي وانت تصلح السياره ، تأكد انه يفضل يتـدحرج إلى أن يوصل لألعن مكان ما تقدر تطلعه منه إما تحت السيارة أو غيره.

قانون الإلكترونيات:-
إذا كنت تصلح جهاز وفكيت مساميره ووضعتهم بجانبك لا بد من أن تضيع مسمار منها وتقعد تدورلها يوم كامل ويمكن ما تلقاها سواء كان حولك أطفال او لا.

قانون الأعذار:-
إذا تأخرت عن الدوام وكذبت على رئيسك وقلت له كفر السيارة بنشر، اليوم اللي بعده كفرك يبنشر.

قانون المغطس (البانيو):-
بعد وضع جسمك في الماء ، يبدأ جوالك يرن وما يسكت... وإذا خرجت من الحمام بسرعة يسكت وما يرن حتا تبدأ الترويش بالصابون.

قانون القهوة وسانتوتشات الصباح: -
أول ما تجيب لك كاس قهوة ساخن وتبدأ تفطر، يجي رئيسك ويعطيك شغلة ما تخلص إلا لما تبرد قهوتك وتنسى انك تفطر ثاني لانه جاء وقت الغدا.

قانون المصادفات :-
إذا كنت مع واحد أو واحدة ما تريد أحد يشوفك، فجأة كل اللي تعرفهم يطلعولك من كل مكان.

قانون الترفيه:-
إذا كنت قاعد في بيتك طفشان وأخذت تشتغل في كمبيوترك كل أولادك تجدهم يحاولوا أنهم يعكننوا عليك ، ويبدأو كلهم يتضاربو مع بعضهم زيادة في العكننة.